امسك قليل الذوق!

بنطلون واسع فضفاض و بلوزة مبهوقة 

تربط باحكام ايشاربها العريض القديم ، هى ملابس معدة للجرى و ليست للخروج 

اليومى 

...اضحى مزاجها معكر بعد خناقة اهلية فلم تستطع فى يومها هذا ممارسة عادتها فى الجرى فى الشارع

تمشى و تمشى و تمشى ، واضعة سماعتيها لتسد كل مايربطها بالعالم الخارجى 

لا تريد سماع صوت الكلاكسات المزعج و لا صوت العربات المسرعة 

سئمت هذا الطريق اليومى ، بالرغم من انه طويل مريح و ساكن و مضئ، فقد اختارنه لما فيه من منشئات عسكرية و ما فيها من بعض الامان للفرد ، فمهما كان ، لن يتعرض لها اى شخص فى هذه المنطقة المحمية

الا انها سئمت تعليفات الجنود المراقبين و سماع صفاراتهم (بالرغم من بهدلتها الواضحة) حينما تنتهى اغنية و تتبعها اخرى , كان وقت الفراغ هذا هو الاسوء 

...سئمت هذا ايضا

تذكرت صديقتها و اسرعت بمحادثتها قليلا علها تخرج من هذه  الحالة السيئة ، و قد حدث 

بعد لحظات من افراغ  الطاقة ، استعادت بعض من المرح 

...و انطلقت مكملة الطريق

تفاجأت قليلا عندما رأت احدهم يقترب ، من ثم يكلمها بوضوح كانما يسألها شئ 

ازاحت السماعات عن اذنيها سائلة اياه : نعم ؟ 

.............-

مش سامعة, معلهش ,ممكن تعيد تانى ؟؟ 

ماشية لوحدك كدة ، ماتيجى ؟؟

!لم تدرِ بنفسِها 

لم تدرِ بقدميها و هما يركلان اياه فى منطقة حساسة
لم تدرِ بقدميها و هما يتحركان فى سرعة راكضين  

!لم تدرِ بلسانها ينعت اياه بقلة الذوق

...لم تدرِ ، هى , لم تدرِ يا قارئى العزيز 

! "بعد ان ابتعدت مسافة كافية لم تكف عن ترديد " يادى القرف ، يادى القرف  

مشمئزة من نفسها بانها قد تكون مست هذا الكائن حتى و ان كان برجلها 

مشمئزة من انه محسوب على الانسانية 

مشمئزة من انها لم تكن تحمل سكينا و تقضِ عليه ! 

(مشمئزة انها تركته فى حاله (حتى و ان كانت قد ضربته

رجعت الى بيتها ، مسرعة لغسل كل هذا القرف عن نفسها ، متسائلة : " هو انا ليه ماعرفتش اشتمه غير بقلة الذوق ؟ ليه ماشتمتوش و قلت حيوان ؟ اوغيره ؟ عشان متربية ؟! بس التربية اللى اتربتها دى معيشانى فى المدينة الفاضلة ! يادى القرف ...يادى القرف

عزيزى القارئ ، ان كنت مستهون بالتحرش او المعاكسة ، فاعرف انه هايطولك هايطولك .ان كنت شايفه موضة الايام دى الناس
! تتكلم عليه ، خلينى اكلمك عن ضعفك انك ماعملتش حاجة عشان تغيره

ان كنت بتحاول تتفهم ؟ صعب قوى تفهم حد لغاية دلوقتى بيقول "يادى القرف يادى القرف" عشان قرفان من الحالة اللى وصل ليها الناس
! بلا خيبة

بس انا مبسوطة انى طلعت طاقتى السلبية فيه ! و اتمنى البنى آدم ده يكون اتوجع فعلًا و....وأدعية تانية احتفظ بيها لنفسى عشان انا مازلت متربيِّة , ايوة ! متربيِّة