A new era

" Nous devons lutter et s'il le faut mourir, pour faire connaître la vérité. "

انهاردة اتفرجت على فيلمين.

انا عارفة مش المفروض اكون باضيع وقتي في هذا، خاصة دلوقتي.

لكن اعتقد اني ماضيعتش وقتي على الاطلاق.

 الفيلم الاول suffragette كان بيحكي على الحركة المسائية في المملكه المتحده للمطالبة بحق التصويت.

 الفيلم خلص على موت واحدة من المناضلات.

 تاني فيلم كان cloud Atlas وهو فيلم طويل وكنت مأخراه معرفش ليه بس فيلم عظيم. 

 كلاود اطلس الحقيقة محتاجة فرجة تانية، وانا باكتب ده اكتشفت ليه اسمه كلاود اطلس.

 اعتقد اني ممكن اطلع من الفيلم ب٣ حاجات واعتقد أن دول اللي هايرشدوا طريقي في الفترة الجاية:

 ١- سؤال المساعدة وقت الحاجة بيفيد وبيساعد. احنا اتخلقنا كما قالت سامنيا موصولين ببعصنا البعض وطلب المساعدة بينجد.

 ٢- عمل الخير او مساعدة الغير دايما امر محمود وبيتشالنا في المستقبل. يعني خيرا تعمل خيرا تلاقي، حتى لو مش هايرجعلك انت لكن هايبقى في خير في الكوكب ده.

 ٣- احنا محتاجين نفكر دايما ونفرك عشان نوصل للحقيقة، حتى لو هانموت.

 كنت بافكر ان انا معنديش قصية اموت عشانها الحقيقة. لا انا نسوية للنخاع ولا اشتراكية وتوقفت من فترة طويلة على الدخول في نقاشات فكرية مش هاتغير قوي الواقع.

 اعتقد اني محتاجة اخرج من هذه القوقعة اللي حابسة حالي فيها.

 دستور المرحلة الجديد:

 - طلب المساعدة وقت الحاجة مش عيب

 - اعمل خير، اقف للناس، اساعد الناس

 - ادافع عن افكاري او قضيتي واعتقد انها دلوقتي متركزة في الدفاع عن الحق في التعبير وهو حق لو تعرفون عظيم.

على صعيد اخر. انا شاكرة قوي لربنا ولصوتي الخاص. اعتقد أن كان بقالي كتير مسكتة نفسي وماباسمعش وانا شاكرة جدا أن ربنا بيرشدني وبياخد بايدي.

شكرا يا رب.

كل الإمتنان.

PS: حاجة كوكب الارض قوي: انا ادبت لكلاود اكلس ٩ عشان ماسكات الوش كانت وحشة قوي ومخيفة في بعض الاوقات. عيب يعني ده برضة انتاج ضخم