امبارح اول مرة افكر في الانتحار.

غريبة الفكرة وغريب اني بافكر فيها. انا مش بائسة ولا بائسة الحمدلله ومحدش ضايقني ولا المشاكل بتنزل ترف على دماغي والحمدلله.

لكن مع ذلك حسيت اني عايزة اخلص من الحياة وانها مابقاش تثير اهتمامي.

اعتقد ان هنا ادركت اننى محتاجه اطلع برة كل حاجة.

انا مش هانتحر لأني زهقانة. 

اعتقد ان تفكيري ده كان نوع من اليأس وخلاص

محروس سألني الصبح بتتفرجي ايه على هاو اي ميت يور ماذر وسألني ان كنت مكتئبة. انا مش مكتئبة، اعتقد اني دلوقتي مش مبسوطة.

لعل وعسى سفرية ايطاليا تغير القصة دي اتمنى يعني. بس برضة انا مسكت نفسي من يومين باقول ان لو عييت وبعت للتأمين ممكن يدفعولي تمن التذكرة وبكدة ماكونش فوت حاجة واقعد في اوضتي بقية الاجازة.

مالك يا غيداء؟ في ايه؟ هوم سيكنس؟

زيه زي اي حاجة تانية هاتعدي وهاتعودي تتعايشي عادي وانت مش متحاوطة بأهلك ولا حبايبك.

على صعيد آخر، انا مش قادرة اسامحه.

مش قادرة احبه ومعنديش حتى الطاقة اني اتعرف عليه من تاني. انا بافقد اي اهتمام بالعلاقة دي. كل اهتمام الحقيقة وهو مش بيساعد ولا بيبذل مجهود او هكذا اظن عشان ماكونش باظلمه.

اعتقد اني محتاجة لربنا. ربنا وبس محتاجة علاقتي بربنا تبقى احسن، فاكس بني آدمين.