بعودة أمى للقاهرة أصبح الحزن بعيدًا, ماما حرفيًا بتطرد الحزن من البيت وبتديله شلاليت في بوبوهاته
بعودة مانتي لبيتنا الشجر فعلا زهَّر تاني وليها تصوير وهي بتحكي على انها كلمت النباتات وقالتله مايزعلش وطبطبت عليه.

بعودة ماما,  شجر التوت والتين طرح, فعليًا طرح,  وبقى في توت يتاكل وتين منور عالشجر

بعودة مانتي بقى غريب اني اقفل على نفسي باب الأوضة واقفل الستاير والأنوار واقعد مكتئبة في حالي

بعودة ماما ودخولها السينمائي جدًا يوم الجمعة, فاتحة الشبابيك والنور و شد اللحاف ونداء ياللا الفطار, ماعتقدش اني باطلب اي حاجة تاني فعلًا.
بس, ربنا يحفظ العيلة وحلاوة العيلة وجمال وطيبة العيلة.

الحمدلله.