فوكس ..

...ساعات كتير الواحد بيبقى متضايق
...من غير سبب
.بيبقى متضايق
 : اذ فجأة تلاقى الدنيا اسودت و مابقاش فى اى حاجة كويسة

اسود 

فى اسود 

...فى اسود 

! يا استاذ -

 ! يا استاذ -

*ضبط الفوكس 

! لما حياتك تبقى مغيمة و انت متضايق بالتأكيد الرؤية بتبقى مش واضحة 

 ! مش هاتشوف ابدا اهلك اللى بيحبوك و اللى حتى لو ضايقوك اكيد عملولك حاجة و فرحوك
! مش هاتشوف ابدا صحابك العفاريت , اللى مهما تروح فى اى مكان بتفتكرلهم طقة و لا اتنين عملتوها و طلعتوا تجروا خايفين
! مش هاتشوف ابدا امك اللى بتحبك , و اللى دايما بتحاول تعمل كل حاجة عشان تطمن عليك و تتأكد انك كويس و بألف خير
! مش هاتشوف ابوك اللى مش بيبان كتير , لكنه دايما قلقان و خايف عليك
! مش هاتشوف اخواتك اللى بيغلسوا عليك دايما و فى الاخر يراضوك
..و مش هاتشوف اللى معندوش عيلة لكن راضى و قانع و مبسوط
..مش هاتشوف المنبوذ لكن بيحاول يتعايش مع حياته
..مش هاتشوف السواد اللى بجد 

 ! افتكر كل الحاجات الحلوة اللى عشتها فى حياتك 

 ..افتكر كل واحد عملّك حاجة حلوة
! افتكر كل ايس كريم اكلته
! كل بيتزا
..افتكر كل ضحكة 
! ضبط الفوكس يا هذا

! و عيش حياتك و انت مبسوط

                                             

الفوكس : اداة فى الكاميرا  تجعل الرؤية واضحة و غير مهتزة *